طريقة التلقين وانك تقول للطفل #هو_كدا ومتحاولش تكون مرن معاه بأقصى درجه مش بتفيد الطفل بقدر ما بتضره لانه لو حفظ وصم الجدول زى ماهو مستحيل يتعلم المرونه فى أى عمليه حسابيه تقابله بعد كدا
عشان كدا لازم تفهم الطفل ان فيه اساسيات لحفظ الجدول بكل بساطه كالأتى :
1- جدول ال 1
___ ناتج اى عمليه ضرب فى جدول ال 1 هى الرقم اللى مضروب فى الواحد ;
مثال : 1X15 = 15
هنا الناتج هو الرقم اللى مضروب فى #الواحد مهما كان الرقم دا حتى لو كان صفر .
_______________________
2 - جدول ال 2
___ فى جدول ال 2 الناتج بيكون حاصل جمع الرقم اللى مضروب ف ال 2 مع نفسه
مثال : 2X5 الناتج هنا هو مجموع ال 5 على نفسها . يعنى 5 +5 وهو 10 وهكذا ..
_______________________
3 - جدول ال 3
___ نفس فكره جدول ال 2 بالضبط لكن هنا هنجمع العدد المضروب فى 3 على نفسه 3 مرات
مثال : 3X4 هجمع 4 زائد 4 زائد 4 = 12 يعنى نجمع العدد المضروب فى 3 على نفسه 3 مرات
_______________________
4 - جدول ال 4
___ فى جدول ال 4 بنضاعف العدد المضروب فى 4 مرتين متتاليتين
مثال : 4X5 >> هنا العدد المضروب ف 4 هو 5 . هنضاعفه مره = 10 ونضاعف ال 10 = 20 وال 20 فعلا هى ناتج ضرب
ال 4 فى 5 .. وهكذا
_______________________
5 - جدول ال 5
___ فى جدول ال 5 دائما الناتج يكون رقم اوله صفر أو خمسه
مثال : 5X5 = 25
5X6 = 30
_______________________
6 - من اول جدول ال 6 لغااااااااااااية جدول ال 10 ليهم طريقه لذيذه جداااااا
___ الطريقه دى للأرقام اللى اكبر من 5
مثال : 6X7
ف الطريقه دى هنستخدم الايد اليمين والايد الشمال لحلها بكل بساطه كالاتى :
- اول رقم عندنا ف عملية الضرب هو ال 6 .. هتيجى على ايدك اليمين وتثنى عدد الصوابع الاكتر من الخمسه وطبعا فى
حالة الرقم 6 هيكون عدد الصوابع اللى هنثنيها هى صابع واحد فقط
كدا الأيد اليمين فيها صابع واحد بس مثنى ودا معناه ان الايد اليمين فيها 6
- ثانى رقم عندنا ف عملية الضرب اللى شغالين عليها هو ال 7 .. تعالى بقى على ايدك الشمال وإثنى عدد الصوابع اللى
اكتر من 5 وفى حالة الرقم 7 هيكون عندنا صابعين اتنين هنثنيهم ..
يبقى كدا الأيد الشمال فيها صابعين مثنيين ودا معناه ان الأيد الشمال فيها 7
تعال بقى نسوف هنحسب ازاى
إضرب عدد الاصابع اللى مفتوحه ف كل من الايد اليمين والشمال ف بعض .. يعنى هتضرب 4 (اللى فى الأيد اليمين )
فى 3 (اللى فى الأيد الشمال) هيكون حاصل الأصابع المفتوحه 12
نيجى بقى للأصابع المثنيه
كل صابع من الاصابع المثنيه قيمته 10 .. و فى الحاله دى احنا عندا 3 أصابع مثنيه ( 1 فى الايد اليمين و 2 فى الشمال )
وبكدا يبقى قيمة كل الاصابه المثنيه (3 اصابع ) 30
*الناتج النهائى
إجمع قيمة الأصابع المثنيه (30) زائد حاصل ضرب الاصابع المفتوحه (12) .. يكون الناتج النهائى هو 42
وهو فعلا حاصل ضرب 6X7 .. وهكذا.
_____________________
7- جدول ال 9
___ هناخد مثال عشان نفهم الطريقه بسرعه
مثلا عايزين نضرب 9X4 .. هنمسك ال 4 ونضربها ف عشره 10 وبعدين نطرح 4 من الناتج
يعنى ال 4X10 هيدينا 40 >> نطرح 4 من 40 >> هيدينا 36 وهو فعلا حاصل ضرب ال 4X9
_____________________
8- طبعا بالنسبه لجدول ال 10 .. سهل جداااااااااااااااا
___ ناتج ضرب اى رقم فى 10 هو نفس الرقم وقدامه صفر
مثال : 10X9 = 90 .. وهكذا .
_____________________
9 - جدول ال 11
___ اسهل طريقه لحفظه كالأتى >>
بنمسك الرقم اللى عايزين نضربه ف 11 وليكن 22 >> ونجمعه على بعضو يعنى نجمع الاحاد والعشرات مع بعضهم
يعنى هنجمع 2 -- + -- 2 هيساوى 4
حط الناتج اللى هو (4) بين الاحاد والعشرات >> هيدينا 242 >> وهو دا ببساطه حاصل ضرب ال 22 ف 11
____________________
____________ وبكدا يبقى الحمد لله انتهينا على خير من شرح اساسيات حفظ جدول الضرب
شيرررر لو الموضوع افادك عشان تفيد غيرك
محول الاكواد محول الأكواد اضافة الإبتسمات اضافة الإبتسمات