الحلقة السادسة : زود رامات جهازك عن طريق الفلاش ميمورى

طبعا الرامات ( ذاكرة الوصول العشوائى) من المكونات المهمة جوه جهاز الكمبيوتر ، لو انت من هواة الالعاب صاحبة الجرافيك العالى فبالتالى بيعتمد كارت الشاشة اعتماد كبير على مساحة الرامات علشان يحتفظ بالبيانات مؤقتا حتى تنتهى من استخدام اللعبة.

كذلك بيعتمد المعالج بشكل كبير ايضا على الرامات فى تخزين البيانات حتى تنتهى عملية المعالجة.

علشان كدا لو عندك نقص فى الرامات دا هيسببلك مشكلة كبيرة سواء فى استخدام الالعاب او استخدام البرامج زى البرامج الهندسية و غيرة.

النهاردة ان شاء الله هنتعلم مع بعض ازاى نقدر نزود مساحة الرامات عن طريق الفلاش ميمورى بحيث نقدر نستخدم الالعاب او البرامج اللى نحتاجها بدون اى مشاكل.

نبدأ الشرح المصور

• نقوم بإدخال الفلاش ميمورى الى الجهاز عن طريق ال Usb و طبعا هتكون فاضبة تماما بالشكل دا

• نبدأ التنفيذ بالضغط عليها كليك يمين ثم نختار properties و منها نختار Ready Boost كما بالصورة

• نقوم بعد ذلك بتحديد المساحة المراد استغلالها من الفلاش ميمورى لكى تصبح مساحة رامات كما فى الصورة

• نقوم بتحديد الخيارات التالية بالترتيب ثم نضغط Ok

• هتبأ عملية التنفيذ و لو دخلنا جوه الفلاش ميمورى هنلاقى ملف بالشكل دا بيوضح المساحة المستغلة

طبعا المساحة المستغلة منقدرش نستخدمها كمساحة تخزين فى الوقت الحالى ، ولو فكيت الفلاش ميمورى من الجهاز و ركبتها فى اى وقت هتبدأ تشتغل كرامات بشكل تلقائى.

اما لو حبينا نلغى الموضوع من الاساس و نرجع كل مساحة الفلاش ميمورى كمساحة تخزين هنبدأ ننفذ كالتالى.

• نحدد الاختيار على الاوبشن بوكس الاول Do not use this device كما بالصورة و نضغط Ok

بعد كدا هنلاحظ ظهور الفلاش ميمورى كمساحة تخزين من جديد

فى النهاية أتمنى يكون الشرح مفيد و لو قابلتك مشكلة فى شرح الصور حاول ترجع للفيديو موضح الموضوع بشكل مفسر.

• تويتر
• فيسبوك
• جوجل+
• لينكد إن
• واتس آب

عن محمد صالح

طالب بكلية الهندسة ، متخصص فى الهارد وير ومطور مواقع وباحث فى تحسين السيو ومتابع جيد للقنيات الحديثة ، نهدف إلى نشر ثقافة التعامل مع التكنولوجيا لدى العرب لتحقيق أقصى إستفادة منها

مواضيع ذات صلة