بسم الله الرحمن الرحيم
اللهم علمنا ماينفعنا وانفعنا بما علمتنا انك انت العليم الحكيم .. اهلا بكم اعزائي القراء
وكما تعودنا من مدونة رادار من المواضيع الجديدة الشيقة النهاردة جبتلكم معايا موضوع رائع جدا وهو خاص بالاندرويد وازاي نقدر نحول الموبايل بتاعنا الي جهاز لاسلكي ونتستمع مع اصدقائنا بالخاصية دي .
النهاردة هنتكلم عن برنامج Zello وهو تطبيق للاندرويد يمكنك من اضافة اصدقائك وعمل شات صوتي علي طريقة اللاسلكي بشرط ان يكون الهواتف متصلة بالانترنت .
كالعادة خلينا الاول نبدأ بتحميل البرنامج
تقدر تحمل البرنامج من Google Play من هنــــــــــــــــــــــا
بعد ماتحمل البرنامج وتسطبه علي موبايلك هيطلب منك تسجيل هتسجل بيوزر نيم وباسورد وميلك عشان يفتحلك قناة جديدة القناة دي هتتفتح باليوزر نيم والباسورد بتوعك ودي الي هتقدر من خلالها تتكلم مع اصدقائك الي ضفتهم عندك ولما تحب تكلم حد من اصدقائك ماعليك سوي ان تفتح القناة الخاصة بيه وتضغط علي زر الكلام وتبدأ في الارسال.
البرنامج بيتميز انه من البرامج السهلة والسريعة ويمكنك انك تتكلم مع احد اصدقائك او مع مجموعة من الاصدقاء في نفس الوقت في شات جماعي وكمان تقدر تسيب لاحد اصدقائك رسالة صوتية يشوفها في وقت لاحق والتطبيق مجاني بدون اي شروط او فترة صلاحية .
مش بس كده التطبيق يقدر يشتغل علي الايفون وعلي الاندرويد وعلي البلاك بيري وكمان اجهزة الكمبيوتر يعني بيعمل علي كافة انظمة التشغيل والمنصات .
كما يمكنك البرنامج من اضافة اصدقائك اما عن طريق البحث باسم المستخدم او البحث بالبريد الالكتروني الخاص به او وعن طريق فحص الـ QR الخاص بصديقك والبرنامج يدعم هذه الخاصية .
في النهاية البرنامج سهل الاستخدام وسوف احاول توفير شرح اكثر تفصيلا ان شاء الله لكي يسهل علي القراء استخدامه ولكن مع المحاولة يمكنك الوصول لكافة امكانياته وهو برنامج يستحق التجربة حقا .
اتمني من الله عز وجل ان يكون قد وفقني في هذا الشرح وتابعونا لكل جديد مع مدونتكم الحبيبة رادار والسلام عليكم ورحمة الله وبركاته .
محول الاكواد محول الأكواد اضافة الإبتسمات اضافة الإبتسمات